हुलाकी न्यूज, काठमाडौंः प्रचण्ड–नेपाल समूहका नेता एवं तत्कालिन शिक्षा मन्त्री गिरिराजमणि पोखरेलले बर्दिवास ११ खयरमाराबाट शहीद रामबृक्ष यादवको सालिक भत्काएर हटाउन लगाएका थिए। शहीद यादवको सालिक रहेको स्थानमा निर्मल लामाको नाममा शिक्षालय स्थापना गर्ने निर्णय गरिएको थियो।
उक्त निर्णयको विरोध भएपनि शहीद यादवको सालिक हटाउने काम भइरहेको थियो। तर, उक्त निर्णय अब उल्टिने भएको छ।
नेकपा प्रदेश २ का अध्यक्ष एवं सहरी विकास मन्त्री प्रभु साहको पहलमा मन्त्रिरिषद्बाट उक्त निर्णय सच्चायाउने तयारी भएको छ।
बुधबार साँझ मन्त्री साहसहितको टोलीले प्रधानमन्त्री केपी शर्मा ओलीलाई भेटेर शहीद यादवको नाममै उक्त शिक्षालय स्थापना गर्न आग्रह गरेका थिए।
मन्त्री साहका अनुसार प्रधानमन्त्री ओलीले उक्त प्राविधिक विद्यालयको नाम शहीद रामबृक्ष यादव बहुशिक्षालय राख्न सहमत भएका छन्।
तत्कालिन मन्त्री पोखरेलकै निर्देशनमा शहीद रामबृक्ष यादवको सालिक भत्काइएको थियो। जसको विरोध नेकपा प्रदेश २ का अध्यक्ष साहलगायतका नेताले गरेका थिए।
शहीद यादवको सालिक भत्काएर अपमान गरिदा शहीद रामबृक्ष यादवकै क्षेत्रबाट चुनाव जितेका र पटक–पटक मन्त्री भएका मातृका यादवले मौनता साधेर गिरिराजमणि पोखरेलको समर्थन गरेका थिए।
यस सम्बन्धी बिस्तृत समाचार पढ्न तलको लिंकमा जानुस्
नेकपाकै मन्त्रीले भत्काए सहिद रामबृक्ष यादवको सालिक (यस्तो छ जनमोर्चा र माओवादीको विवाद)
