हुलाकी न्यूज, नेपालगंज २८ फागुन । स्वतन्त्र मधेश गठबन्धनका पश्चिम क्षेत्रीय संयोजक इरफान शेख पक्राउ परेका छन् ।
बाँके जिल्लाको चौलिका चौकबाट शनिबार विहान साढे आठ बजे शेख पक्राउ परेका हुन् ।
सडकमा हिडिरहेका शेखलाई प्रहरीले कुराकानीका लागि बोलाएका थिए । लगतै आएको प्रहरीको टोलीले विना पक्राउ पुर्जी शेखलाई नियन्त्रणमा लिएको गठबन्धनका प्रवक्ता अब्दुल खानले हुलाकी न्यूजलाई बताए ।
यता बाँकेका एसपी टेकप्रसाद राईले गठबन्धनका कार्यकर्ताहरुलाई पक्राउ गर्ने कुनै योजना नरहेको बताएका छन् ।
यसअघि पनि प्रहरीले शेखलाई बारम्बार धम्की दिदै आएको खानले बताए ।
