प्रधानमन्त्रीलाई खुल्ला पत्रः केपी ओली र प्रचण्ड एउटै

माननिय प्रधानमंत्री पुष्प कमल दाहाल प्रचण्ड ज्यू !

तपाइले आफ्नो नाउको अन्त्यमा प्रचण्ड लेख्नुको कारण सप्तरी घटनाले छर्लंग पार्यो ! एमाले र माओबादी दुवै कम्युनिष्ट बिचारधाराका दाजु भाइ नै हुन, हामीलाई राम्ररि थाहा छ ! तर प्रशासनलाई कुनै पार्टीको कार्यक्रमको लागि स्टेज बनाइ रहेको फोटेज सामाजिक संजालमा छ्यापछ्यापी हेरेर दुख लाग्यो ! जनताको रक्षक टेन्ट निर्माता बन्न पुगे ! सामाजिक संजालमा तपाईहरुको बारेमा आम जनताले सत्य तथ्य लेख्यो भने साइबर क्राइम अन्तरगत मुद्दा राज्यले चलाउछ ! सप्तरी घटनामा मात्र होइनकी बिगत को आन्दोलनमा पनि मधेशी जनताको टाउको र छातीमै गोलि दागीएको भिजुवल समेत सामाजिक संजालमा राखिएको आधारमा खोइ दोषी माथि कारबाही भएको सुनिएन !

मधेशी मोर्चा सरकार बाट आफ्नो समर्थन फिर्ता लिने निर्णय मात्र सुनेर मोर्चालाई काठमाडौँ बोलाइयो र फेरी उल्लु बनाएर तपाइँ आफ्नो कुर्शी बचाउन सफल हुनु भो ! हामीलाई यो पनि थाहा छ तपाइँ आफ्नो कुर्सि जोगाउन एमाले संग पनि सम्झौता गर्न सक्नु हुन्छ तर जनतालाई त्यो देखि सरोकार छैन किन भने सत्ता टिकाउन तपाईहरु पटक पटक भारत र चाइना समक्ष नतमस्तक भइ सकेको इतिहास छ ! हामीलाई शान्ति चाहिएको हो ! संबिधानमा आफ्नो मान सम्मान र अधिकार चाहिएको हो ! तपाईहरु ले गर्दा आज मधेशी र पहाडी आम नागरिक बीच फाटो आइ सकेको अवस्था छ ! हामी आफ्नो स्कुले मित्रहरुलाई मधेश बिरोधि र तिनले हामीलाई देश द्रोही धोति भनेर सम्बोधन गर्न लागेको नैतिक जिम्मेवार तपाइँ हरु नै हो !

बन्द गर्नुस यो कुर्सिको खेल देश र जनतालाइ निकास दिनुस बिकास दिनुस !

के यो देश हामी जनताले तपाईहरु लाइ लेखि दिया हो र ? जनता बिनाको मुलुक हुदैन र जनता बिना सरकार चल्दैन ! तपाइँ हरुको कर्तुत ले गर्दा हामी यूवा पिधिको भविष्य अन्धकारमय भइ सकेको छ र हाम्रो सन्ततिको भविष्य निर्धारण समेत नभएको अवस्था छ ! तपाईहरुको छोरा छोरी को भविष्य उज्ज्वल छ किन भने हामी जनतालाई र देशको ढुकुटीलाइ तपाइँ हरुले नै चुस्नु भएको छ ! तर हामी मिहिनेत गरेर घर परिवार चलाउने आम नागरिकको बाच्ने अधिकार समेत खोस्ने दाउमा तपाईहरु हुनु हुन्छ !

याद गर्नुस दोश्रो संबिधान सभाको चुनाब अगाडी तपाइँ जनकपुरको मारवाडी सेवा समितिमा मधेशी को छोरा हु भनेर चुनाब लड्ने घोषणा गर्न आउनु भएको दिन , म पनि त्यहि थिए ! तपाइँ संग प्रश्न पनि गरेको थिए र तपाइको कार्यकर्ता हरुले मलाइ घेरेका पनि थिए ! चुनाबको बेला तपैहरी मधेशी , आदिबासी , जनजाति , राउटे , मुश्लिम , राय , लिम्बु , थारु सबै बन्न र सबलाई मान्न तयार भइ हाल्नु हुन्छ तर जितेर गइ सके पछी त्यहि बाहुन क्षेत्रि वाला पारा भइ हाल्छ किन ?

हुन त म पनि मधेशी बाहुन नै हु तर मान्शिकता तपाईहरु भन्दा धेरै भिन्न छ र म सबभन्दा पहिले नेपाली हु !२०६३ देखि अहिले सम्म देश अशान्त छ भने तपाईहरु कै कारण ले गर्दा ! तत्कालिन राजा आफ्नो चाजो पाजो मिलाई रहेको छ , कमल थापाज्यु लाइ संगै घुमाइ रहेको छ ! सावधान हुनुस हजारौ को सहादत पश्चात आएको गणतन्त्रलाई न गुमाई दिनुस !

दुनियाको हरेको मुलुक मा आन्दोलन हुन्छ तर कुनै पनि मुलुकमा जनता संग यस्तो ब्यबहार गरिदैन ! हाम्रो मुलुक हरेक नराम्रो क्षेत्रमा एक नम्बर आइ रहेको छ ! भ्रस्टाचार , गरिबी , माग्नेमा , सरकार ढाल्ने र बनाउने मा , आदि इत्यादि ! तपाइँ जंगल भोगी सकेका मनुष्य हुनु हुन्छ धेरै दुख कष्ट गरेर देशको प्रधानमंत्री समेत दोश्रो पटक बन्नु भो तर जनताको लागि केहि राम्रो काम गर्नुस ! सबलाई एकदिन मारेर जानु छ , सदाको लागि कोहि बाच्दैन र बिना नशिब्को केहि हुदैन ! समय अहिले पनि अलिक बाकि छ आफ्नो जनतालाइ समेट्नुस , जनताको कुरा बुझ्नुस , भावना पढ्नुस !

अहिले तपाइँ आफ्नो पुरानो साथि बाबुराम ज्यूसंग मात्र टाढिनु भाको छ चेतना भएन भने जनता संग पनि टाढिनु हुन्छ ! दोश्रो संबिधान सभाको चुनाबमा तपाइँ लाइ जित्न पनि धौ धौ पर्नु को कारण तपाईलाई याद होला , गल्तीलाई सुधार्नुस , देश को नेता बन्नुस ! यो पत्र मैले पिडामा लेखेको हो तर कुरा सबै सत्य हो ! मैले केहि गलत लेखेको छैन तपाईलाई पढेर रिस पनि उठ्न सक्छ र आफ्नो पद को दुरुपयोग गरि मलाइ यातना दिन पनि लगाउन सक्नु हुन्छ तर म जस्तो धेरै साथि हरुको मनमा यो कुरा खेल्दै होला पहाडी होस् या मधेशी सबैलाई अधिकार चाहिन्छ , शान्ति चाहिन्छ !

मेरो कुरामा सत्यता छ भने सम्पूर्ण यूवा संग आग्रह तपाईहरु पनि प्रधानमंत्री ज्युलाई पत्र लेख्नुस ! वहाले अबश्य पढ्नु हुन्छ , पढाउनु हुन्छ र निकास खोज्नु हुन्छ सबलाई अधिकार दिनु हुन्छ , दोषी माथि कारबाही गर्नु हुन्छ !

सुरक्षाको कारण हेराएर देश भित्र धेरै कार्यक्रमहरु रद्द भएको इतिहास छ अनि ओली कुन खेतको मुली हो जसको कार्यक्रम प्रहरीको गोलि जनताको छाती भेदेर पनि गराउन दिनु पर्ने बाध्यता छ ! नरसंघार गर्ने इच्छा नै छ भने केहि छैन यदि सहानी ल्याउने चाहना छ भने संबिधान संसोधन गरिओस र मेची महाकाली को एमालेको ड्रामा बन्द गरिओस !

अन्त्यमा भगवानले सबैलाई सद्बुधि दिओश आशा का साथ् तपाइको जवाबको पर्खाइमा यो मुलुक को नागरिक म सरोज मिश्रा को नमस्कार !