हुलाकी न्यूज ,काठमाडौं : भारत सरकारले प्याजको निर्यातमा रोक लगाएको छ ।प्याजको उत्पादन हुने क्षेत्रमा भारी वर्षा हुँदा उत्पादनमा कमी आएसँगै निर्यातमा रोक लगाएको हो ।

भारतको उद्योग तथा आपूर्ती मन्त्रायले सूचना जारी गरेर सबै प्रकारका प्याजको निर्यातमा रोक लगाइएको उल्लेख गरिएको छ ।कार्यालयले रोक लगाउने निर्णय तत्कालै कार्यान्वयन हुने बताइएको छ ।

भारतले प्याजको निर्यातमा रोक लगाएसँगै त्यसको असर नेपालमा प्याजको मूल्यमा वृद्धि हुने सम्भावना बढेको छ ।

भारतबाट ठूलो मात्रामा वर्षेनी नेपालसँगै बंगलादेश, मलेसिया, श्रीलंकालका देशमा प्याजको निर्यात हुँदै आएको छ ।

भारत सरकारले गत अप्रिलदेखि जुन महिनासम्म मात्रै १९८ मिलियन अमेरिकी डलर बराबरको प्याज निर्यात गरेको थियो ।

भारतले सन् २०१९/०२० मा ४४० मिलियन डलर बराबरको प्याज निर्यात हुने अनुमान गरिएको थियो ।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.