हुलाकी न्यूज, काठमाडौँ । विभिन्न पार्टीका नेत्रीले संविधानको भावनाअनुसार आसन्न प्रतिनिधि सभा र प्रदेश सभा सदस्यको निर्वाचनमा महिलाको प्रतिनिधित्व सुनिश्चित हुनुपर्ने माग गरेका छन् ।

अन्तर पार्टी महिला सञ्जालले आज यहाँ आयोजना गरेको ‘सञ्चारकर्मीसँग सञ्जाल’ विषयक अन्तक्र्रियामा उनीहरूले स्थानीय तहमा न्यूनतम ५० प्रतिशत, प्रदेश सभामा न्यूनतम ४० प्रतिशत र प्रतिनिधि सभामा न्यूनतम एक तिहाइ महिलाको प्रतिनिधित्व सुनिश्चित गर्न माग गरेका हुन् ।

नेपाली काँग्रेसकी नेत्री एवं नेपाल महिला संघका अध्यक्ष उमा रेग्मीले महिला सहभागिताको सुनिश्चितताका लागि आफूहरूले दबाब दिंदैआए पनि पार्टी नेतृत्वमा विद्यमान पितृसत्तात्मक सोचका कारण माग पूरा हुन नसकेको बताउनुभयो ।

सञ्जालका उपाध्यक्ष एवं राष्ट्रिय जनता पार्टी नेपालकी नेत्री पुष्पा ठाकुरले आफूहरूको शान्तिपूर्ण आन्दोलनलाई राजनीतिक दलले कमजोरीका रूपमा लिएको गुनासो गर्दै माग पूरा गर्न आगामी दिनमा कडा आन्दोलन गर्न बाध्य हुने धारणा व्यक्त गर्नुभयो ।

सञ्जालका महासचिव एशोदा सुवेदीले आधाभन्दा बढी जनसंख्या भएका महिलाको अधिकार संविधान र अन्य कानूनले सुनिश्चित गरे पनि व्यवहारमा कार्यान्वयन गर्न राजनीतिक नेतृत्वले आनाकानी गर्दै आएको आरोप लगाउनुभयो ।

नेकपा ९माओवादी केन्द्र० का लक्ष्मी साह, राष्ट्रिय प्रजातन्त्र पार्टीका मीना भेटवाल, नेकपा ९माले० का निलम केसीलगायतले पहिलो चरणको प्रतिनिधि सभा र प्रदेश सभा सदस्य निर्वाचनको मनोनयन दर्तामा महिलाको सहभागिता ज्यादै न्यून भएको गुनासो गर्दै दोस्रो चरणको निर्वाचनका लागि हुने मनोनयनमा महिलाको प्रतिनिधित्व क्षतिपूर्तिसहित सुनिश्चित गर्न माग गर्नुभयो ।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.