हुलाकी न्युजः १३ औँ संस्करणको इन्डियन प्रिमियर लिग (आइपिएल) क्रिकेट आजदेखि सुरु हुँदैछ ।

भारतमा कोरोना महामारीका कारण प्रतियोगिता आयोजना गर्न सम्भव नभएपछि खेल यूएईमा आजदेखि सुरु हुन लागेको हो ।

प्रतियोगिताको उद्घाटन खेलमा साविक विजेता मुम्बई इन्डियन्सले चेन्नई सुपर किङ्सको सामना गर्दै छ । सर्वाधिक चारपटकको विजेता मुम्बईको कप्तानी रोहित शर्माले गर्नेछन् भने तीनपटको विजेता चेन्नईको कप्तानी महेन्द्रसिंह धोनीले गर्दैछन् । खेल नेपाली समयअनुसार बेलुका पोने ८ बजे सुरु हुनेछ ।

गत संस्करणको फाइनलमा यी दुवै टोली खेलेका थिए जसमा मुम्बईले एक रनको रोमाञ्चक जीत हात पार्दै चौथोपटक उपाधि उचाल्न सफल भएको थियो ।

आइपिएलका १२ वटा सिजनहरुमा मुम्बईले ४ पटक तथा चेन्नईले तीनपटक उपाधि जित्दा कोलकाता नाइट राइडर्सले दुई पटक तथा डेक्कान चार्जर्स राजस्थान रोयल्स र सनराइजर्स हैदराबादले एक(एकपटक उपाधि जितेका छन् ।

किङ्स इलाभेन पञ्जाव, दिल्ली क्यापिटल्स र रोयल च्यालेन्जर्स बेङ्गलोरले भने उपाधि जित्न सकेका छैनन् ।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.