‘स्वतन्त्र मधेशका लागि जनमत संग्रह’ गराउन सरकार सहमत (सहमति पत्रसहित)


हुलाकी न्यूज, काठमाडौं :
जनमत संग्रहबाट स्वतन्त्र मधेश गठनको कुरालाई सरकारले स्वीकार गरेको छ।

नेपाल सरकार र स्वतन्त्र मधेश गठबन्धनबीच भएको ११ बुँदे सहमतिमा जनमत संग्रह र स्वतन्त्र मधेश गठबन्धनको गतिविधिमा कुनै रोक नलगाउने सहमति भएको हो।

सहमति पत्रको बुँदा नम्बर दुईमा जनमत संग्रहबाट स्वतन्त्र मधेश स्थापना गर्ने बाटो खुलाइएको छ।

यसैगरी सहमति पत्रको बुँदा नम्बर सातले स्वतन्त्र मधेश गठबन्धनलाई खुल्ला रुपमा कार्य गर्न छुट दिएको छ। राजनीतिक संगठनको रुपमा गठबन्धनले काम गर्न सक्नेछ।

सहमतिको बुदा नम्बर ११ ले स्वतन्त्र मधेश गठबन्धनका नेता तथा कार्यकर्ताहरुलाई लोकतान्त्रिक राजनीतिक शक्तिको रुपमा व्यवहार गरिने उल्लेख गरिएको छ।

यसैगरी स्वतन्त्र मधेस गठवन्धनका नेता तथा कार्यकर्ताहरुमाथि लगाइएको राज्य विरुद्धको अपराधलगायत सम्पर्ण राजनीतिक मुद्दाहरु फिता लिईनेछ र हिरासत वा कारागारमा रहेका सम्पूर्ण नेता तथा कार्यकर्ताहरुलाई निर्शत रिहा गरिने सहमति भएकाे छ।

यसैबीच, काठमाडौंमा आयोजित कार्यक्रममा स्वतन्त्र मधेश गठबन्धनका संयोजक डा.सीके राउतले राजनीतिक रुपमा देश निर्माणका लागि काम गर्ने बताएका छन्। जनताको जनमतबाट नै स्वतन्त्र मधेश स्थापना हुनेतर्फ डा.राउतले इंकित गरेका छन्।

सहमति पत्र

२०७५ फागुन २४ गते सम्माननीय प्रधानमन्त्री केपी शर्मा ओली ज्यको विशेष उपस्थितिमा राष्ट्रिय सभागृह, काठमाण्डौमा आयोजित विशेष समारोहमा नेपाल सरकार र स्वतन्त्र मधेस गठवन्धनका वीचमा देहाय बमोजिमका सहमति भएको छ ।

१. संघीय लोकतान्त्रिक गणतन्त्र नेपाल एक स्वततन्त्र नेपाल एक स्वतन्त्र, स्वाधिन, सार्वभौमसत्ता सम्पन्न, अविभाज्य राष्ट हो । नेपाल राष्ट्रको स्वतन्त्रता, स्वाधिनता, सार्वभौमसत्ता र अखण्डताको रक्षा गर्न प्रत्येक नेपालीको कर्तव्य हो ।

२ हामी आफना राजनीतिक, सामाजिक, आर्थिक लगायतका उद्देश्यहरु प्राप्तिका निम्ति शान्तिपूर्ण एवं लोकतान्त्रिक बाटोबाट अघि बढ्नु पर्छ भन्ने मान्यतामा दढ छौं । नेपालको संविधानमा प्रयुक्त जनतामा निहित सार्वभौम अधिकारको प्रयोग गर्दै तराई–मधेस लगायत देशका कतिपय स्थानमा रहेका असन्तुष्टिहरुलाई जनअभिमतमा आधारित लोकतान्त्रिक विधिवाट समाधान गर्न सहमत भएका छौं ।

३. लोकतन्त्रमा मतभेदहरु हुन सक्छन् तर तीनिनहरुप्रति राज्य, राजनीतिक दल र आम नागरिक सहिष्णु हुनुपर्छ र त्यस्ता मतभेदहरुको समाधान पनि लोकतान्त्रिक विधिबाटै गरिनु पर्दछ भन्ने मान्यतामा दृढ छौं ।

४ सामाजिक न्याय, समानता र सद्भाव हाम्रो साझा उद्देश्य हो । हामी तराई–मधेस लगायत समग्र राष्ट्रका जनतालाई राजनीतिक, आर्थिक तथा सामाजिक दृष्टिले अधिकार सम्पन्न तुल्याउन र तराई(मधेस लगायत समग्र देशको विकासलाई द्रुत गतिमा अघि बढाउन प्रतिवद्ध छौं । त्यसैगरी संविधान प्रदत्त नेपाली जनताको सार्वभौम अधिकार, स्वायत्तता र स्वशासनको अधिकारलाई आत्मसात गर्न र तराई–मधेस लगायत समग्र देशमा सुशासन कायम गर्दै समानता र समाजवाद तर्फ अग्रसर हुन प्रतिवद्ध छौं ।

५ स्वतन्त्र मधेस गठवन्धनका नेता तथा कार्यकर्ताहरु माथि लगाइएको राज्य विरुद्धको अपराध लगायत सम्पर्ण राजनीतिक मुद्दाहरु फिता लिईनेछ र हिरासत वा कारागारमा रहेका सम्पूर्ण नेता तथा कार्यकर्ताहरुलाई निर्शत रिहा गरिने छ ।

६ स्वतन्त्र मधेस गठवन्धन तथा यसका नेता–कार्यकर्ताद्वारा यस अघि तयार पारिएका र पहिले प्रचारमा गएका किताव, पर्चा(पम्पलेट, घोषणापत्र, गीत, नक्सा, नारा, झण्डा, अनलाइन सामाग्री आदिलाई भविष्यमा कारवाहीको विषय बनाईने छैन । आगामी दिनमा संविधानको व्यवस्था र यस सहमति प्रतिकूलका प्रचार सामाग्रीहरु उत्पादन तथा वितरण गरिने छैन ।

७ स्वतन्त्र मधेस गठवन्धनका नेता–कार्यकर्ता तथा समर्थकहरुलाई नेपालको संविधान प्रदत्त अधिकारको प्रयोग गर्दै नेपाल भित्र बसोबास गर्न, जीविकोपार्जन गर्न, संघसंस्था वा पार्टी खान वा संगठित भएर मूलधारको राजनीति गर्न कुनै किसिमको अवरोध खडा गरिने छैन र न्यता । या,लाप गरे वापत राज्यद्वारा कने प्रकारका कारबाही गरिने छैन ।

८. २०७५ भदौ १५ गते नेपाल प्रहरीको हिरासतमा मत्य भएका स्वतन्त्र मधेस गठवन्धनका बाँके जिल्ला संयोजक राममनोहर यादवको परिवारलाई राज्यको तर्फबाट उचित क्षतिपूर्तीका साथै परिवारका एक सदस्यलाई रोजगारीको व्यवस्था गरिनेछ ।

९ स्वतन्त्र मधेस गठवन्धनको आयोजनामा सञ्चालित आन्दोलनका क्रममा घाईते भएकाहरुको उपचारको जिम्मा सरकारले लिनेछ ।

१० स्वतन्त्र मधेश गठवन्धनका नेता तथा कार्यकर्ताहरुमा रहेको ज्ञान, सीप र सामर्थ्यलाई तराईमधेस लगायत समग्र देशका जनता र राष्ट्रको शान्तिपूर्ण एवं लोकतान्त्रिक विकास र खुशहालीको लागि नयाँ उचाईका साथ सदुपयोग गर्ने र सरकारको तर्फबाट स्वतन्त्र मधेस गठवन्धनप्रति लोकतान्त्रिक राजनीतिक शक्तिको रुपमा व्यवहार गर्न सहमत भएका छौं ।

११. यो सहमति आजैका मितिवाट लागु हुनेछ ।

स्वतन्त्र मधेस गठवन्धनको प्रतिनिधि
चन्द्रकान्त (सि. के) राउत संयोजक २०७५ फागुन २४
नेपाल सरकारको प्रतिनिधि
माननीय रामबहादुर थापा गृहमन्त्री २०७५ फागुन २४

SHARE

1 COMMENT

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.