मनोज मोरबैता, जनकपुरधामः जनकपुरधामको रेल्वे स्टेशन नजिक रहेको धनुषा अस्पतालको लापरवाहीले बच्चाको मृत्यु भएको भन्दै परिवारजनले विरोध जनाएका छन्।

बच्चाको दुई दिनअघि मृत्यु भएपनि आज(आइतबार)सम्म विभिन्न चेकजाँच र औषधी खरिद गर्न लगाइएको आरोप परिवारजनले लगाएको छ।

धनुषा जिल्लाको सबैला नगरपालिका ठिल्लाकी चन्द्रकला साहले बुधबार साँझ साढे सात बजे अस्पतालमा बच्चा जन्माएकी थिइन्।

बच्चालाई अस्पतालको आइसीयूमा राखिएको थियो। आइसीयूमा राखेदेखि परिवारजनलाई बच्चासँग भेट्न नदिने गरिएको थियो। विभिन्न सोर्सर पैरवी पछि शुक्रबार विहान परिवारजनलाई बच्चालाई भेट्न दिइएको परिवारका सदस्यहरुले बताएका छन्।

‘बच्चा जन्मेको भोलि पल्ट निकै प्रयासपछि एक छिन्का लागि बच्चालाई भेट्न दिइएको थियो। त्यसपछि सोर्सपैरवी गरेर शुक्रबार भेट्न दिइयो। शनिबार र आज(आइतबार)सम्म भेट्न दिइएन।’ बच्चाका बुबा विजय साहले भने।

‘सँधै उपचार र औषधिको बाहाना लगाएर भेट्न दिइएन। आज (आइतबार) दिउँसो १० बजे पनि बच्चालाई भेट्न खोजे तर डाक्टर आएपछि मात्र भेट्न दिने भनियो।’ साहले भने,‘त्यसपछि चार बजे फेरी आएँ र बच्चालाई भेट्न खोजे तर दिइएन। लुकेर झ्यालबाट हेर्दा बच्चाको मृत्यु भइसकेको थियो।’

बच्चाको मृत्यु भएको थाहा पाएपछि परिवारजनले विरोध जनाइरहेका छन्।

मृतक बच्चाका आफन्तले दुई दिन पहिले नै बच्चाको मृत्यु भएपनि अस्पतालले आजसम्म विभिन्न चेकजाँच र औषधि खरिद गर्न लगाएको आरोप लगाएका छन्।

यता अस्पताल प्रशासनले भने आइतबार दिउँसो १२ बजे उपचारकै क्रममा बच्चाको मृत्यु भएको दाबी गरेको छ।

अस्पतालको लापरवाहीले बच्चाको मृत्यु भएको भन्दै परिवारजनले अस्पतालमाथि कारवाही र राहतको माग राखेको छ।

भिडियो

1 COMMENT

  1. e ghatna satya bhasakaiya kiyek ki 2076-3-13 me hamro sathe bilkul ehana ghatna ghatawol gel, hamro bachcha ke 3 din dhair NICU me rakhal gel, kahalak ki bachha ke sudhar bharahal 6ai, muda bachcha ke dekha nai dai6al……khirki me parda lagal6al , bahut request ke baad Dr. aailapar bahut dur se dekha paili muda bachcha jibit nai lagal lekin Dr. Kahalak ki akhan thik 6ai……sanka ta bhel 6al muda kekro ki6 kaha nai sakli fer 3din baad phone kake kahalak ki aaha ke bachcha ke death bhagel……lekin ham pura biswas k sath kaih sakai6i ki hamra bachcha ke death 3 din agadi bhel muda paisa k chakar me e dhanusha hospital ena kailak……. Dhanusha hospital me gabbar film lekha death k seho jibit kaih k paisa luta bala kaam bharahal6ai……..e ham apan ghatal ghatna kairahal6i taiduware ehan ghatna k satya tathya bahar kake doshi upar kada karbaai hobake chahi………pahile hamra sange aai dosar sange kaail tesar sange e ghatna ghattai taiduware aai ghatna ke CCTV cameras k video sab seho ekatha kake satyatathya prast hobaparalai……..

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.